Ништо од трансферот на Бекам во ПСЖ

04.01.2012

Леонардо, спортскиот директор на Париз Сен Жермен потврди дека Дејвид Бекам нема да потпише договор со оваа екипа и од фамилијарни причини нема да се пресели во Париз.

Бразилецот верува дека Бекам ќе остане во екипата на ЛА Галакси. Бекам во Галакси пристигна во 2007 година, а договорот со клубот од ЛА му истече на 31. декември.

Околу трансферот на Бекам во ПСЖ се крена голема прашина во главниот град на Франција и за неговото доаѓање се шпекулираше со недели, а истиот го осудија и голем број на француски политичари, кои изјавија дека трансферот не е од спортски, туку од маркетиншки причини.